A mhaighdeannan 's a mhnathan òg

Hó i rì liù ail o
Hó ro 's na hiuraibh ó
Hó i rì liù ail o

An cuala sibh mar dh' éirich dhómhs'

'Steach gu acarsaid na Sròm

Bhrist an t-slat is shràc an seòl

Chaidh na croinn dhan chuan mhòr

Chaidh na b' fhaide bhuam na seòid

Ged tha aon mhac m' athair beò

Mac mo mhàthair rinn mo leòn

E bhith 'n grunnd a' chuain gun deò

Nach giùlan a cholainn còt'

Nach giùlan a chas a' bhròg

Nach giùlan a làmh an dòrn

'Illean chridheil, bitheamaid beò

Gu dè feum a th' anns a' bhròn

Cha toir caoineadh daoine beò

Nan toireadh, chaoininn-sa gu leò