Ay ağalar,
Ay ağalar, gedənə bax, gedənə.

Ağlaya ağlaya düşdüm yollara,
Yar ayrısı, yar bağrımı, yara yüz.
Dərdim oldu əvvəlkindən beş betər,
Şan şan oldu qara bağrım, yara yüz.

Tutdum yar əlindən bəlkə sağalam,
Saqi sərxoş, saqi məstü, saqi lam,
Çətin, çətin bu yaradan sağalam,
Dərd bir oldu, dərman doxsan, yara yüz.

Mən Abbas'am yara qurban yar üçün,
Doğra bağrım, kəs ciyərim yar üçün,
Yar odur ki, bu dünyada yar üçün,
Yaxa yırta, zülf dağıda, yara yüz.