[aria]
Nulla in mundo pax sincera
sine felle; pura et vera,
dulcis Jesu, est in te.

Inter poenas et tormenta
vivit anima contenta
casti amoris sola spe.

[recitative]
Blando colore oculos mundus decepit
at occulto vulnere corda conficit;
fugiamus ridentem, vitemus sequentem,
nam delicias ostentando arte secura
vellet ludendo superare.

[aria]
Spirat anguis
inter flores
et colores
explicando
tegit fel.

Sed occulto
tactus ore
homo demens
in amore
saepe lambit
quasi mel.

[aria]
Alleluia, alleluia, ...